അസ്സലാമു അലൈക്കും പ്രിയപ്പെട്ട മുഅ്മിനീങ്ങളെ,
ളുഹാ നിസ്കാരത്തെക്കുറിച്ച് ഒരല്പം കാര്യം പ്രധാനപ്പെട്ട വിഷയം ഉണർത്താനാണ് ഇന്ന് ആഗ്രഹിക്കുന്നത്. ജമാഅത്ത് സുന്നത്തില്ലാത്ത സുന്നത്ത് നിസ്കാരങ്ങളുടെ കൂട്ടത്തിൽ പെട്ടതാണ് ളുഹാ നിസ്കാരം.
ളുഹാ നിസ്കാരത്തിൽ നിന്ന് ചുരുങ്ങിയത് രണ്ട് റകഅത്താണ്, അധികരിച്ചത് എട്ട് റകഅത്താണ്. ളുഹാ നിസ്കാരത്തിന്റെ സമയം സൂര്യൻ ഉദിച്ച് ഒരു കുന്തത്തിന്റെ അത്ര ഉയർന്നത് മുതൽ സവാൽ (ഉച്ചസമയം) വരെയാണ്. എങ്കിൽ അതിൽ ഏറ്റവും അഫ്ളലായ (ഉത്തമമായ) സമയം എന്ന് പറയുന്നത് പകലിന്റെ നാലിലൊന്ന് വിട്ടുകടന്നതിന് ശേഷം നിസ്കരിക്കലാണ്. അതായത് ഏകദേശം ഒരു 9:30 മണി - 10 മണി, ആ സമയത്തൊക്കെ നിസ്കരിക്കലാണ് ഏറ്റവും അഫ്ളലായ സമയം എന്നുള്ളത്.
മറ്റു പ്രധാനപ്പെട്ട വിഷയം, ളുഹാ നിസ്കാരം ഈരണ്ട് (2) റകഅത്തായി നിസ്കരിക്കലാണ് ഏറ്റവും നല്ലത്. നിയ്യത്ത് നമുക്കെല്ലാം അറിയാം, രണ്ട് റകഅത്തായി നമ്മൾ നിസ്കരിക്കുമ്പോൾ: "ഉസല്ലി സുന്നത്ത ദ്ദുഹാ റകഅതൈനി ലില്ലാഹി തആലാ" എന്ന നിയ്യത്തോടുകൂടി കൈകെട്ടുന്നു. ചുരുങ്ങിയ രൂപമാണ്, "അദാഅൻ മുസ്തഖ്ബിലൽ ഖിബ്ലത്തി" എന്നൊക്കെ നമുക്ക് നിയ്യത്തിൽ ചേർക്കാം. അങ്ങനെ കൈകെട്ടുന്നു, രണ്ട് റകഅത് നിസ്കരിക്കുന്നു, സലാം വീട്ടുന്നു. വീണ്ടും കൈകെട്ടുന്നു, രണ്ട് റകഅത് നിസ്കരിക്കുന്നു, സലാം വീട്ടുന്നു. ഇങ്ങനെ നാല് തവണ നമുക്ക് നിർവഹിക്കുമ്പോൾ പരിപൂർണ്ണ എണ്ണമായ എട്ട് റകഅത് പൂർത്തിയാക്കാൻ സാധിക്കും.
ചുരുങ്ങിയത് രണ്ട് റകഅത്താണ്. രണ്ട് റകഅത്തെങ്കിലും നിർവഹിക്കാൻ എല്ലാവരും ശ്രദ്ധിക്കുക. ഒരുപാട് മഹത്വങ്ങൾ ളുഹാ നിസ്കാരത്തിന് ഉണ്ട്. മഹത്വങ്ങൾ ഒന്നും ഇവിടെ പറയുന്നില്ല.
മറ്റൊരു പ്രധാനപ്പെട്ട വിഷയം ളുഹാ നിസ്കാരത്തിൽ ഓതേണ്ട സൂറത്തുകൾ. സുന്നത്ത് നിസ്കാരം ആണെങ്കിലും സൂറത്ത് ഓതൽ സുന്നത്താണല്ലോ. എന്നാൽ ചില നിസ്കാരങ്ങളിൽ ചില സൂറത്തുകൾ ഓതൽ പ്രത്യേകം സുന്നത്തായിരിക്കും, അതുപോലെയാണ് ളുഹാ നിസ്കാരത്തിൽ.
ആദ്യത്തെ റകഅത്തിൽ "വശംസി വദുഹാഹാ" (Wadh-Shamsi) എന്ന സൂറത്ത് ഓതൽ പ്രത്യേകം സുന്നത്താണ്.
രണ്ടാമത്തെ റകഅത്തിൽ "വദ്ദുഹാ" (Ad-Duha) ഓതൽ പ്രത്യേകം സുന്നത്താണ്.
പിന്നീടങ്ങോട്ടുള്ള റകഅത്തുകളിൽ "ഖുൽ യാ അയ്യുഹൽ കാഫിറൂൻ" (Surah Al-Kafirun), "ഖുൽ ഹുവല്ലാഹു അഹദ്" (Surah Al-Ikhlas) അങ്ങനെ സൂറത്തുൽ കാഫിറൂനെയും സൂറത്തുൽ ഇഖ്ലാസിനെയും ഓതലും പ്രത്യേകം സുന്നത്താണ്. ഈ ഒരു കാര്യം കൂടി എല്ലാവരും ശ്രദ്ധിക്കുക.
നിങ്ങളുടെ സംശയങ്ങൾ അറിയിക്കുക. ഇതുപോലെ ഒരുപാട് നിസ്കാരങ്ങളെക്കുറിച്ചുള്ള വീഡിയോകളൊക്കെ ഞാൻ ചെയ്യുന്നുണ്ട്. നിങ്ങളുടെ മാക്സിമം സപ്പോർട്ട് പ്രതീക്ഷിക്കുന്നു. ചാനൽ സബ്സ്ക്രൈബ് ചെയ്യാനും ബെൽ ഐക്കൺ ക്ലിക്ക് ചെയ്യാനും ആരും മറക്കരുത്.
അല്ലാഹു സുബ്ഹാനഹു വ തആല നമ്മെ ഏവരെയും ദുനിയാവിലും ആഖിറത്തിലും വിജയിച്ചവരുടെ കൂട്ടത്തിൽ ഉൾപ്പെടുത്തി അനുഗ്രഹിക്കട്ടെ. നമ്മുടെ പിഴവുകളൊക്കെ പരിഹരിച്ച് മാപ്പ് നൽകി അനുഗ്രഹിക്കുമാറാകട്ടെ, ആമീൻ എന്ന് ദുആ ചെയ്തുകൊണ്ട്, പ്രിയപ്പെട്ട മുഅ്മിനീങ്ങളോട് ദുആ വസ്വിയ്യത്തോടെ...
അസ്സലാമു അലൈക്കും.
